*ACMHAINN NUA IONTACH*

Cártaí Scileanna Gleacaíochta

Is gné thábhachtach de shnáithe Gleacaíochta an churaclaim corpoideachais é an rolladh. Tá sraith cártaí scileanna forbartha ag Foireann Corpoideachais Bunscoile SFGM le tacú leat teagasc a dhéanamh go sábháilte i réimse teicnící rollta agus dul chun cinn sa ghleacaíocht ag gach leibhéal ranga.

1. Rolladh Peann Luaidhe/Lomáin
2. Rolladh Uibhe/Craptha
3. Rolladh Méise/Droim Stuach
4. Rolladh Scaradh Gabhail/Béirín
5. Rolladh James Bond/Gualainne
6. Rolladh Wonder Woman
7. Rolladh chun tosaigh
8. Rolladh ar gcúl (Cúlrolladh)

Cliceáil anseo nó ar an íomhá thuas chun an tsraith cártaí a íoslódáil. Tá tuilleadh acmhainní chun rolladh a theagasc ar fáil ag bun an leathanaigh seo.

Cliceáil anseo le freastal ar cheardlann gleacaíochta SFGM.

Cliceáil anseo le hiarratas a dhéanamh go dtiocfaidh Comhairleoir Corpoideachais chuig do scoil chun tacaíocht scoile gleacaíochta a éascú (Uaireanta Pháirc an Chrócaigh, oiliúint ar an bhfoireann uile, ceacht múnlaithe sa rang, FMS agus tacaíocht pleanála etc.)

Áirítear le snáithaonaid an churaclaim Gleacaíochta:

• Luail
• An ghleacaíocht a chiallú agus a léirthuiscint

Déanann snáithe na Gleacaíochta cur síos ar na gníomhaíochtaí luaile do gach leibhéal ranga, agus léiríonn sí conas is féidir luail a fhorbairt go seicheamhach. Dírítear ar ghníomhartha coirp mar léimneach, iompú, luascadh agus cothromú agus ar luailí coirp a rialú agus a riaradh i dtosca a éiríonn níos dúshlánaí de réir a chéile. Ba chóir go soláthródh na tascanna luaile deiseanna chun gnóthachtála do na leanaí go léir, ach na tascanna a bheith oiriúnach dá gcéimeanna forbartha.

Leagann an curaclam gleacaíochta béim freisin ar an tábhacht a bhaineann le sábháilteacht nuair a bhíonn fearas á láimhsiú.

Tá gníomhaíochtaí sa churaclam gleacaíochta freisin a thagraíonn do theagasc sainscileanna e.g. tulrolladh, lámhsheasamh agus rothalchleas. Caithfear béim a chur ar chéim ullmhachta an linbh nuair a bhíonn gach gné den ghleacaíocht á pleanáil, ach baineann sé seo go speisialta le teagasc na sainscileanna. Chun go mbeidh an leanbh in ann iad seo a chomhall go rathúil, caithfidh sé/sí, bheith láidir ligthe agus a bheith in ann teannas a chruthú ar fud an choirp. Ba cheart don mhúinteoir gan na scileanna seo a mhúineadh go dtí go mbíonn an leanbh inniúil ar na réamh-chleachtaí.

Cé go leagtar amach sa Churaclam Corpoideachais a bhfuil i gceist leis na snáithaonaid uile i gcomhair Gleacaíochta san uile leibhéal ranga, taispeántar achoimre sa tábla thíos ar an dul chun cinn san uile leibhéal ranga.

Dul chun cinn sa Ghleacaíocht

Tagairt den scoth iad cur chuige agus modhanna teagaisc le haghaidh Corpoideachais, a leagtar amach in Corpoideachas: Treoirlínte do Mhúinteoirí ar leathanaigh 42-100, do mhúinteoirí chun ceachtanna Gleacaíochta a eagrú.

Leagtar amach cur chuige téamach bunaithe ar theanga na gluaiseachta ar leathanaigh 74-75

Leagtar amach aonad oibre sa Ghleacaíocht ina sonraítear clár oibre deich seachtaine do naíonáin shinsearacha ar leathanaigh 78-79

Leagtar amach aonad oibre sa Ghleacaíocht ina sonraítear clár oibre ocht seachtaine do rang a trí agus do rang a ceathair ar leathanaigh 80-81

Leagtar amach aonad oibre sa Ghleacaíocht ina sonraítear clár oibre ceithre seachtaine do rang a cúig agus do rang a sé ar leathanaigh 82-83

Ina theannta sin, is acmhainn den scoth do mhúinteoirí iad ceachtanna an Tionscnaimh Spóirt i mBunscoileanna (PSSI) i dtaca le Gleacaíocht don uile leibhéal ranga. Tugtar breac-chuntas iontu ar chlár cuimsitheach oibre a oireann do gach ceacht ranga ar leith. Tá cur chuige agus modhanna teagaisc éagsúla san uile leibhéal ranga san áireamh iontu.

ACMHAINNÍ:

• Ceardlanna Gleacaíochta 2017
• The Fun Gym Circuit
• Scileanna sonracha: Sonraítear sa bhileog seo réamhghníomhaíochtaí agus pointí teagaisc sonracha do scileanna sonracha churaclam na gleacaíochta
• Cártaí Scileanna Gleacaíochta– Rolladh 
• Ceardlann Gleacaíochta 2018 – Rolladh
• Cárta Seicheamhaithe Gleacaíochta – Rolladh