Áirítear le snáithaonaid an churaclam Lúthchleasaíochta:
- Rith
- Léim
- Teilgean
- An lúthchleasaíocht a chiallú agus a léirthuiscint
Ba cheart béim a chur sa chlár Lúthchleasaíochta ar dheiseanna don leanbh chun dúshlán a chur air/uirthi féin rith níos tapúla nó ar feadh tréimhse níos faide, rud a chaitheamh níos faide agus léim níos faide nó níos airde.
Cé go leagtar amach sa Churaclam Corpoideachais a bhfuil i gceist leis na snáithaonaid uile i gcomhair Lúthchleasaíochta san uile leibhéal ranga, taispeántar achoimre sa tábla thíos ar an dul chun cinn san uile leibhéal ranga.
Dul chun cinn Lúthchleasaíochta
Rith |
Léim |
Teilgean |
Ciallú agus
|
|
|---|---|---|---|---|
Naíonáin |
Reathaíocht Chian-achair 30-90 soic Ráib: 10-20 m Freagairtí agus Tosú ó Stad Rásaí Sealaíochta: Rásaí Sealaíochta Beirte (BB) Cliathrásaíocht: Réidh suas le 20 cm ar airde
|
Scipeáil le rópaí agus gan rópaí Bealaí éagsúla léime 2-2, 2-1 1-1, 1-1, 1-2. tuirlingt bhog Luasc lámha |
Modhanna éagsúla caithimh i gcomhair airde agus faide – caitheamh fo-ascaile |
Rith lána Tosú ó Stad |
Rang a hAon agus Rang a Dó |
Reathaíocht Chian-achair 30 soic – 2 nóim Ráib: 20-30 m Freagairtí agus Tosú ó Stad Rásaí Sealaíochta: Rásaí Sealaíochta Foirne (BB) Cliathrásaíocht: 30 cm ar airde Cos luaidhe a aithint – seasamh i leataobh
|
Scipeáil Léimeanna éagsúla Rith druidime (3 chéim) i gcomhair faid agus airde |
Fo-ascaille Os cionn láimhe (caitheamh na sleá) |
Scór a thomhas Luas a thuiscint Rith druidime |
Rang a Trí agus Rang a Ceathair |
Reathaíocht Chian-achair 30 soic – 3 nóim Ráib: 30-60 m Freagairtí agus Tosú ó Stad Rásaí Sealaíochta: Rásaí Sealaíochta Foirne agus malartú baitín i líne dhíreach Cliathrásaíocht: 30-40 cm ar airde thar 20-40 m Cos luaidhe agus trí chéim
|
Scipeáil Léimeanna éagsúla Tuirlingt ar dhá chois Léim siosúir thar bhacainn Rith druidime 5 (chéim) |
Caitheamh os cionn láimhe Rith druidime agus caitheamh Caitheamh meáchain Caitheamh teisce (ó do sheasamh) |
Luas Malartú Baitín Scór a thomhas Anailís ar theicníocht |
Rang a Cúig agus Rang a Sé |
Reathaíocht Chian-achair 30 soic – 5 nóim Ráib: 50-70 m Ráibeanna tointeála 30 m Freagairt agus Tosú ó Stad Rásaí Sealaíochta: Gnáthrás sealaíochta le malartú baitín Cliathrásaíocht: 40-60 cm ar airde thar 40-60 m Cos luaidhe agus cos chun deiridh 150 m os cionn cliatha fánacha |
Scipeáil Léimeanna éagsúla Léim as seasamh Rith druidime 3 chéim, 5 chéim, 7 gcéim Siosúr – teicníocht thar chliatha 50-60 cm |
Sleá – ó do sheasamh Sleá le rith druidime Caitheamh meáchain le casadh Caitheamh teisce |
Luas Comhordú Neart Rialacha – líne chaithimh Líne léime Tomhas Feasacht |
Ba cheart na gníomhaíochtaí gluaiseachta nádúrtha seo a fhorbairt ina ngníomhaíochtaí agus imeachtaí lúthchleasaíochta simplí.
Tagairt den scoth iad cur chuige agus modhanna teagaisc le haghaidh Corpoideachais, a leagtar amach in Corpoideachas: Treoirlínte do Mhúinteoirí ar leathanaigh 42-100, do mhúinteoirí chun ceachtanna Lúthchleasaíochta a eagrú.
Leagtar amach Comhtháthú Lúthchleasaíochta le hábhair eile an churaclaim ar lch 49
Leagtar amach úsáid an stáisiúin teagaisc i seomra ranga na Naíonán i gceacht Lúthchleasaíochta ar lch 52
Leagtar amach aonad oibre i Lúthchleasaíocht ina sonraítear clár oibre sé seachtaine do rang a cúig ar leathanaigh 58-59
Ina theannta sin, is acmhainn den scoth do mhúinteoirí iad ceachtanna an Tionscnaimh Spóirt i mBunscoileanna (PSSI) i dtaca le Lúthchleasaíocht don uile leibhéal ranga. Tugtar breac-chuntas iontu ar chlár cuimsitheach oibre a oireann do gach ceacht ranga ar leith. Tá cur chuige agus modhanna teagaisc éagsúla san uile leibhéal ranga san áireamh iontu.
Gheobhaidh tú tuilleadh acmhainní faoi iamh a thacóidh leat Lúthchleasaíocht a chur i bhfeidhm.
Stáisiúin: Sampla de chártaí teagaisc stáisiúin do Lúthchleasaíocht do mheánranganna/ranganna sinsearacha, a ionchorpraíonn ‘stáisiún teagaisc’. D’fhéadfaí na stáisiúin seo a chríochnú i dtreo deireadh aonaid oibre i Lúthchleasaíocht nuair a bhíonn leanaí cleachtach ar ghníomhaíochtaí éagsúla
Ard-lúthchleasaíocht: Léirítear sa bhileog seo leideanna do scileanna ar leith i Lúthchleasaíocht, atá oiriúnach le húsáid i meánranganna agus ranganna sinsearacha
Forbhreathnú ar shnáitheanna agus straitéisí chun ranganna a eagrú do Lúthchleasaíocht: Leagtar amach gníomhaíochtaí samplacha do shnáithaonaid Lúthchleasaíochta, lena n-áirítear leideanna chun gníomhaíochtaí a oiriúnú agus an seomra ranga a eagrú.
ACMHAINNÍ:
| Attachment | Size |
|---|---|
 Advanced Athletics 2.doc | 101.5 KB |
| Athletics an overview of strands and strategies for the organization of classes.docx | 78.13 KB |
| Stations.docx | 119.32 KB |
