An Idirbhliain – Nuacht/Acmhainní

ROCHTAIN A CHUMASÚ Ó GHLÚIN GO GLÚIN –  MODÚL NUA RÍOMHFHOGHLAMA FAOI FHEASACHT AR MHÍCHUMAS DEIMHNITHE AG AN ÚDARÁS NÁISIÚNTA MÍCHUMAIS

D’fhéadfadh sé go mbeadh spéis ag comhordaitheoirí na hIdirbhliana atá ag pleanáil don bhliain seo chugainn i Modúl nua  arna cheapadh ag Gréasán Oifigeach Rochtana na nÚdarás Áitiúil. Tá sé mar aidhm ag an modúl foghlama seo forás pearsanta, sóisialta agus oideachasúil dhaltaí na hIdirbhliana a chur chun tosaigh trí bhéim shonrach a leagan ar fhreagracht na scoláirí féin i bhfoghlaim, in obair ghrúpa, i bhfoghlaim bunaithe ar ghníomhaíocht agus in ullmhúchán do thaithí oibre.
Críochnóidh scoláirí na hIdirbhliana Modúl Ríomhfhoghlama faoi Fheasacht ar Mhíchumas deimhnithe ag an Údarás Náisiúnta Míchumais, rud a thabharfaidh deis dóibh an leas is mó a bhaint as úsáid na teicneolaíochta ríomhaire ar dhóigh nach bhféadfadh a bheith indéanta i gcúrsaí scrúdaithe. Ina theannta sin, soláthraíonn an tionscnamh seo deis do scoláirí na hIdirbhliana a bheith páirteach i gcur chuige idirdhisciplíneach maidir le foghlaim ina bhfuil na gnéithe sóisialta agus geilleagracha de mhíchumas, de chomhionannas agus d’éagsúlacht chun tosaigh i gcomórtas dámhachtana. Ceapadh an dá ghné chun aonaid foghlama phríomhshrutha na hIdirbhliana a chomhlánú agus chun tacú leis an tsolúbthacht a chuirtear ar fáil i ndearadh an churaclaim.  Tá an modúl foghlama seo ina mhodúl solúbtha sa dóigh is gur féidir é a oiriúnú le bheith fóirsteanach do cheann ar bith de na ceithre chiseal de Chlár na hIdirbhliana.
Chun tuilleadh faisnéise a fháil nó chun do spéis/rún sa mhodúl foghlama seo a úsáid, déan teagmháil le:

Féach ar  leabhrán  agus clúdach an  mhodúil

TASC IDIRBHLIANA  ‘CIORCAL AN TSAOIL’

Díríonn an tionscadal náisiúnta seo ar dheonú orgáin, ar cúis altrúíoch agus saibhrithe ó thaobh sochaí de é, ach tá cuspóir an-sainiúil ina chuid lárnach aige; is é sin,  rannpháirteachas na ndaoine óga, trí Chlár na hIdirbhliana, i ngarraí náisiúnta cuimhneacháin a chruthú do dheontóirí orgáin, a bheidh suite i mBóthar na Trá, Gaillimh.  Cé go mbeadh cuid mhór tairbhithe náisiúnta agus áitiúla ag an tionscadal seo, lena n-áirítear cur chun cinn na tarrthála saoil a bhaineann le deonú orgáin, d’fhéadfadh sé a bheith ina thairbhe mhór oideachasúil/chultúrtha agus shochaíoch do na scoláirí agus na scoileanna lena mbaineann.  Tá an tionscadal á chur i láthair agus á eagrú ag Fondúireacht Deontóirí Strange Boat a chuirfeadh fearadh na fáilte roimh thuairimí agus roimh fhreagraí Chomhordaitheoirí na hIdirbhliana. Téigh chuig  www.strangeboat.org

EISEAMLÁIRÍ DE DHEA-CHLEACHTAS A CHOMHROINNT

Táimid ag iarraidh ar Mhúinteoirí faoi láthair a gcuid pleananna ábhair/modúil a chomhroinnt le comhghleacaithe.  Má tá tú toilteanach do phlean ábhair/modúil a chomhroinnt le daoine eile, déan an  teimpléad  faoi iamh a chomhlánú agus a chur ar aghaidh chuig Seirbhís Tacaíochta na hIdirbhliana lena chur san áireamh i rannán an churaclaim den suíomh idirlín seo.
 

Ríomhphost: [email protected] 

Fondúireacht SCOOP 

Chun seoladh ár nAcmhainne Oideachais do Dhaltaí Meánscoile a cheiliúradh, táimid ag taispeáint an chláir faisnéise:

Sa chlár faisnéise, insítear scéal trí theaghlach atá ina gcónaí sa Chambóid sa lá atá inniu ann de réir mar a théann siad i ngleic leis na roghanna deacra arb iad mearfhorbairt is cúis leo agus de réir mar a streachlaíonn siad lena modhanna traidisiúnta maireachtála a choinneáil agus an saol nua-aimseartha ag teacht chun cinn timpeall orthu. 

Bronnadh Mórdhuais Choiste an Chineama Dhomhanda air